لکه څنګه چې جوته ده د کمپيوټر او ټکنالوجۍ په اړه ټول معلومات  په انګريزۍ او د نړې په نورو نړيوالو ژبو دي ، خو له بده مرغه په پښتو کې په دې اړه ډير لږ معلومات موجود دي چې د نشت سره برابر دی. انګريزی زموږ مورنې ژبه نه ده او يوه بهرنۍ ژبه ده چې د هيواد ډير وګړی پرې نه پوهيږي خو کمپيوټر زموږ اړتيا ده. تر هغې چې زموږ په خپله ژبه (پښتو) د کمپيوټر او ټکنالوجۍ په اړه معلومات موجود نه وی په ټولنه کې به د کمپيوټر او ټکنالوجۍ په برخه کې دومره بدلون ونه ليدل شي.

 موږ هوډ کړی تر څوپه خپله  ژبه (پښتو) دکمپيوټر او ټکنالوژۍ په اړه نوي، په زړه پورې معلومات او لارښوونې چې تاسو ورته ډېره اړتيا لرئ او موږ ته ارزښتمند ښکاري وړاندې کړو. په دې کار سر ه به هم له نورې نړۍ سره سيال شو او هم به هر هغه څه تر لاسه کړو چې په ورځني ژوندکې ورته ډيره اړتيا ليدل کيږي.د ساري په توګه که زموږ په هيواد کې د ښوونې او روزنې چارې  کمپيوتري شي نو د کتابونو د چاپ له پلوه به نورو ملکونوته زموږ لاسونه ونه غځيږي، موږ به پخپلو کمپيو ترونو کې د  ټولو درسي کتابونو اصل  ولرو کله چې اړتيا پيښيږي هغه د کتاب په شکل چاپولاى شو.